When you loss Hearing People Think You Are A Fool |Urdu

Aaj mujhe 8 din hue hain ICU main . 8 dino main bohat dard saha . Abhi bhi seh raha hun . Lekin bohat kuch seekhne ko mila . Main koi 1 saal 6 maah se kidney k beemari main tha abi 8 din hue hain mere transplant ko . Kidney ki beemari k dooran Main apna hearing loss kar chuka . Bohat se mareez is cheez ka shikar hote hain bad qismati se main bhi hua .

Lekin mai bohat waqt se guzara kar raha tha na ziyada baat thi bahir na kuch ghar wale tho meri har baath ko sunte aur kisi bhi tarah mujhe samaj lete they .

ICU main aah kar chand tabdeeliyan aayien. Yahan har koi ata hai tho thori tafseel le k e jata hai tho un se mujhe baat karne main masla hota hai . Lekin in cheezon main aik baat mere sahi samaj aayi k log behre pan ka bohat ziyada faida utaate hain. Aur behre pan ko bewakofi samjha jata hai .

Is ki misaal a hai k aik massi hai jo mareezon k urine bag khali karti hai. Wo humesha mujhe dekhti kuch kehti phir main nahi samjta tho wo dimag pe haath rakh k ishaara karti hai k tumara dimaag sahi nahi. Har baat pe mera mazaq urhane k baad kisi aur se share karti hai ab mujhe nahi pata k kia bol rahi hai.

Number 2 har koi beezar hota hai samjhane main usey aisa mehsoos karte hain k a bus bewakof hai nahi samjega .

In main kuch sahi log bhi hain jo samaj jaate hain k a sirf sun nai sakta . Wo mujhe likh k pooch lete hain main phir unka pata pat jawab de deta hun.

Ab is bewakofi ki qisse main aik mamla mere saath pesh aya . Aik aur mareez tha jo ward se mere saath tha kal wo shift hua hai post transplant ward main. Wo mareez unparh hai Punjab k log hain bahir inka koi nahi hota tho main apne ghar walon se is k lie sub kuch mangwa leta tha . Chand rupey kisi pe karch karne se koi ghareeb nain hota . Mere is Punjabi bhai jis ka naam zahid tha mere saath akele main tho sahi tha aur main saman deta bhi tho sahi tha lekin sub ki tarah aik 2 din main is ne bhi mujhe bewakof jana .

Hua youn k aik din is ne meter wala glass mangwaya main ne mangwa lia bhai k saath . Par madam ne reject kar dia k a nahi chalega yahan sheeshe ka glass e use karo . Main ne aisa e kia . Phir is bande ne aik raath kisi aur madam se kaha madam a hajeeb banda hai is ne metre wala glass lia hai aur mere saman se wo glass le kar sub ko dikaya aur mera mazaq urhaya .

Is doran main is ki baatien samaj tho raha tha par main ne English Jaarh di . What Are You Saying Man.

Ab us k baad se wo madam aayi mujh se poocha tumari tahleem kitni hai main ne kaha BS computer science ka final year tha main beemar hua . Tho kaha waah masha Allah . Shayad us madam ki tahleem bhi itni na ho.

Us k baad se wo madam mere saath bilkul sahi hain aur wo yahi samajte hain k behra pan bewakofi nahi. Lekin lakhon aise log hain jo behre pan ko bewakofi samaj leye hain

Main Chahta hun k is main tafseel likhon par Mujhe ziyada kisi ki buraayi nahi karni. Wakiya bohat pesh aye main ne un main se chand chote bayan kie k baat sub k samaj ajaye .

Dua Keejiyega . Abhi bhi Dard main hon. Allah behter Karne wali Zaath hai .

Leave A Comment

Your email address will not be published. Required fields are marked *